Grazas, Lugo! O edificio administrativo da Xunta de Galicia na cidade da Muralla quedouse pequeno este pasado luns para albergar as III Xornadas de Actualización e Reciclaxe que puxo en marcha a Real Federación Galega de Fútbol, a través do Comité Galego de Adestradores, unha iniciativa que acredita as horas de formación que cada técnico terá que xustificar a partir da temporada 2025/2026 para poder tramitar licenza de adestrador en España. Para obter o Certificado de Actualización e Reciclaxe esixido pola RFEF e poder así tramitar licenza de adestrador en España cada técnico terá que xustificar a asistencia a 15 horas de formación cada tres anos desde a tempada 2025/2026 para ter o certificado en vigor.
O evento converteuse noutra clase maxistral a cargo de catro relatores de primeiro nivel. Preto de 300 técnicos procedentes de toda a xeografía galega abarrotaron o recinto cedido pola Xunta de Galicia á RFGF para a organización desta acción formativa.
